ബെംഗളൂരു: കർണാടക മുഖ്യമന്ത്രി ബി.എസ് യെദ്യൂരപ്പയുടെ രാജി ഗവർണർ തവാർചന്ദ് ഗെലോട്ട് അംഗീകരിച്ചതോടെ അടുത്ത മുഖ്യമന്ത്രി ആരായിരിക്കുമെന്ന് രാഷ്ട്രീയ വൃത്തങ്ങൾക്കു ഇപ്പോഴും ഒരു നിഗമനത്തിലെത്താൻ ആയിട്ടില്ല. ഒട്ടും വൈകാതെ അടുത്ത മുഖ്യമന്ത്രിയെ ഹൈക്കമാൻഡ് തീരുമാനിക്കുന്നതെന്ന് ബിജെപി വൃത്തങ്ങൾ അറിയിച്ചു, അവരിൽ ഭൂരിഭാഗവും ലിംഗായത്ത് വിഭാഗത്തിൽ പെട്ട വടക്കൻ കർണാടകയിൽ നിന്നുള്ളവരാണ്.
നിലവിൽ സംസ്ഥാനത്തെ ഖനന മന്ത്രിയായ മുരുകേഷ് നിരാനി യെദ്യൂരപ്പയുടെ പിൻഗാമിയാകാൻ സാധ്യതയുള്ളതായി അനോദ്യോഗിക വൃത്തങ്ങൾ അറിയിച്ചു. ലിംഗായത്ത് സമുദായത്തിൽ പെട്ടയാളാണ് നിരാനി. ജൂലൈ 25 ന് യെഡിയൂരപ്പ രാജിവച്ചതിന്റെ തലേന്ന് ദില്ലിയിലേക്ക് പറന്നതിന് ശേഷമാണ് അദ്ദേഹത്തിന്റെ സ്ഥാനാർത്ഥിത്വത്തെക്കുറിച്ച് കൂടുതൽ ഊഹാപോഹങ്ങൾ ഉണ്ടായത്.
വ്യവസായമന്ത്രി ജഗദീഷ് ഷെട്ടാർ, ഇപ്പോഴത്തെ ആഭ്യന്തരമന്ത്രി ബസവ്രാജ് ബോമ്മൈ, എംഎൽഎ അരവിന്ദ് ബെല്ലാദ് എന്നിവരാണ് പട്ടികയിലുള്ള മറ്റു മൂന്നു പേർ.
ഖനന കുംഭകോണ ആരോപണത്തെത്തുടർന്ന് 2012 ൽ ബി എസ് യെദ്യൂരപ്പ രാജിവെച്ചപ്പോൾ ഷെട്ടാർ ആകസ്മികമായി ഒരു വർഷത്തോളം മുഖ്യമന്ത്രിയായി സേവനമനുഷ്ഠിച്ചിട്ടുണ്ട്. 2005 ൽ ബിജെപിയുടെ സംസ്ഥാന പ്രസിഡന്റ് പദവി വഹിച്ച അദ്ദേഹം നീണ്ട രാഷ്ട്രീയ ജീവിത്തിൽ സ്പീക്കറായും പ്രവർത്തിച്ചിട്ടുണ്ട്.
മറ്റ് രണ്ട് മുൻനിര മത്സരാർത്ഥികളിൽ നിന്ന് വ്യത്യസ്തമായി ബസവരാജ് ബൊമ്മയ് യെയും ബി എസ് യെദ്യൂരപ്പയുടെ പിൻഗാമിയായി കണക്കാക്കാം. മുമ്പ് ജലവിഭവ മന്ത്രിയും സഹകരണ മന്ത്രിയുമായി സേവനമനുഷ്ഠിച്ചിട്ടുണ്ട്.
രാഷ്ട്രീയ വിദഗ്ധരായ മറ്റ് മൂന്ന് നേതാക്കളുമായി താരതമ്യപ്പെടുത്തുമ്പോൾ അരവിന്ദ് ബെല്ലാദ് രണ്ടുതവണ എംഎൽഎ ആയ വ്യെക്തിയാണ്. മറ്റ് മൂന്ന് പേരിൽ നിന്ന് വ്യത്യസ്തമായി അദ്ദേഹം അടുത്തിടെ യെദ്യൂരപ്പയ്ക്കെതിരെ പരസ്യമായി സംസാരിക്കുകയും ചെയ്തിരുന്നു.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
